近年来发觉，有交关76年以后出生的小囡的上海闲话已经勿标准了，特别是“我”这个发音，伊拉讲了相当难听，讲出的上海闲话硬邦邦，一点也没吴侬软语的米道。偶想作为一个上海的市民要有保护地方语言的思想，特别是格些在读书的孩子，看到自家小囡跟伊拉表姐来了屋里也用普通话，偶总有点国实少了一点亲切感。想听听各为家长的高见。

[ 本帖最后由 云雀 于 2008-11-28 22:04 编辑 ].

侬哪能讲了跟偶的情况加像拉，偶儿子来了没进总工会幼儿园呃辰光是一口的标准上海闲话，而且奶声奶气，好听了勿得了，但是三年幼儿园出来，上海闲话走样一半，偶也发觉单位里的外地保安讲的上海闲话蛮标准呃来。.

电视台有档节目叫城里城外的，偶看里相的年轻人讲呃格个上海闲话啊，真叫难过别了勿得了，偶看主持人该讲上海闲话算了，教教伊拉。真呃要请一些上海的老古董出来开档节目纠正纠正现在的上海闲话。.

偶儿子班级里的上海小囡，居然有的听勿懂，偶儿子还老加加的翻拔伊拉听，偶看伊也好勿到哈里去。.

侬已经老标准了。拿上海闲话的特全部讲了刹刹清。.

侬勿会伐？我看侬就是吃黄浦江水长大呃。.

祖籍南京人，生了上海，外公在十里洋场里混过，跟老伊学的上海闲话，可惜没有宁波腔和苏州腔，偶认为格两格腔的上海闲话最好听。

[ 本帖最后由 云雀 于 2008-11-28 11:22 编辑 ].

吓偶一跳，偶当侬勿是本地人来，挑偶开格只帖子，否则捧场呃人么了，人气也勿旺呃。.

有H爸呃地方，就有闹好轧，按照侬呃意思修改了，啥人叫我生了侬后面呃拉，只好跟了。.

偶儿子小辰光，有趟偶教伊学打电话，电话拔通了，出来提示音"attention”（偶放了免提一挡）,小人先一吓，后来我跟伊讲：“侬重心打”。
儿子认真的拔好电话，儿子了爷接过电话，小人跟伊拉爷讲：“爸爸，偶刚刚跟侬打电话呃辰光，伊（电话机）讲伊‘勿  开  心’”。。。
"attention”————————勿开心，到蛮像呃，可见上海闲话发音有点跟英语像呃。

[ 本帖最后由 云雀 于 2008-11-28 13:28 编辑 ].

嘿嘿，好笑来，侬就是有幽默感。.

先上两句听听，学习学习咯。到辰光在批发出去。.

电话里要是格能出来提示音vacation，格是真呃么区别了。.

一个半天就又学到加西多么是，收获勿小啊。.

偶来了喝茶，茶水腔到鼻头里去了.

是呃，“偶拿什么来拯救你——偶的上海话”！.

爷娘及时纠正是关键啊，偶儿子讲“我”的发音就是先在市面上发“wo”.

埃，误人子弟啊。偶担心啊。.

祖籍一般讲的是爷爷，是国民党，解放前是铁路上的，可惜去了脱早，偶么享到伊啥福，只晓得小辰光伊帮偶买了一双牛皮红皮鞋，来了小朋友当中蛮弹眼落睛呃。外公是到上海来混饭吃，小三子伐，但是见呃市面蛮广呃。报出来的才是上海摊老字号的。.

谢谢侬加用心，打印出来，一个一个地绞儿子路子。.

侬的宝宝要比人家聪明，两地距离越远越好。.

逆相思维，做 STOCK 蛮好呃。.

人家才要做的，侬小家伙勿会去做呃，做STOCK保证输勿脱。好好培养，现在先来了思想让相灌输拔伊。.

可惜阿拉外公现在勿来了，否则请教伊了。不过偶早上上班专门碰得实李青呃，偶下趟蜡牢伊，问伊。.

侬为阿拉上海输送了优质的人种，好好培养伊讲上海话。.

勿会还没出生伐？.

侬伲子会的跟侬讲“妈，偶来。。。。。。”，格就好算了。.

来了侬做事体呃辰光，伊会的立了侬边上看侬做事体，还会的老加加的相帮侬，伊会的老起劲呃跟侬讲“妈，偶来。。。。。。”，勿好意思，偶么讲清爽。.

侬无形当中抹煞了小孩子的热情，侬可以再伊大了的辰光跟伊讲，男人家应该做那些事体。侬蛮幽默格。.

聪明的小人就是会的搞，现在小搞，下趟大搞，搞出名堂来，侬勿要脱开心哦。.

侬儿子格能会的搞发子，到辰光侬媳妇搞勿过伊，勿就拔伊花了汏碗汏了老起劲呃，侬用勿着担心呃。.

勿管，男小人还是女小人，先要让伊拉学好上海闲话，再要赚好钞票，买汏碗机，否则人家生了小姑娘呃勿要有意见啊，勿嫁拔阿拉来，勿急啊。.

公平呃，侬迪格婆啊妈良心蛮好呃，嘻嘻。.

可喜啊，侬纠正纠正伊。.

事体大家做，分工勿同，具体问题具体分析。.

蛮好笑呃，要是来了喝茶嘛又要腔着了。侬要拿伊纠正过来。.

经过一段时间的努力，儿子的上海话讲的还算可以，但是必须讲了慢，快了有又夹生的出来了。总额老将还是陪伊多讲讲。逐步纠正伊的发音。.

中国人做事喜欢一竿子到底，提倡大家说普通话么，弄的地方方言文化流失；计划生育么，弄的孩子将来的责任性缺失。问题一大堆了，阿拉爷只好听见的慢慢纠正了。多跟伊拉讲讲地方语言文化的重要了。日积月累吧。总有改观的，偶看偶儿子的“我”的发音就好多了。.

现在出现一种网络文化，与上海话的有一点相似的谐音，居然可以用数据代替了，如家有考王道“7456气死偶了”，“942就是啊”等，还有很多等待家长们的踊跃发帖。.

偶也一直疑惑，孩子在上幼儿园的前夕，一口奶声奶气的上海话，勿要太好听哦，但一旦上了幼儿园过一年上海话就完全变了一个腔调了。所以我要求我家SG在家跟我要用上海话交流，偶同时还要纠正伊的发音。.

要过年了，家家走亲访友的，在拜年、餐桌上都是纠正小囡讲上海闲话的好机会。希望各位家长及时纠正小囡的上海闲话的发音。.