哦哟，LZ真是知音啊，今朝我还立了跟阿拉LG讲格桩事体，真额是气煞人，伊拉老大还好意思上电视台哦，真额是伐要面孔，自家非但不大去看娘，弟媳妇任劳任怨十年，还想抢宁家额房子、财产，幸亏伊拉老娘脑子清爽公证过，伊呒没闲话讲，口口声声讲为老娘讨公道，假使真额是老娘额意思，伊哪能会搭去公证？另外，分房子，伊拉才拿着过房子，还想抢阿弟名份下头额，真额是伐要面孔！！连搭阿弟单位里额几百块洋钿补助费，伊阿要打主意，真额。。。。。唉，宁穷到格额地步，真额阿是开眼界了。连搭柏阿姨也呒没闲话讲了。.

引用:

原帖由 小波的妈妈 于 2009-10-8 14:40 发表
这个娘结棍额,今朝看下集.伊还老有心机穿了一件衣裳露出开刀的地方来博取同情,么想到有这样的姆妈,实在是少见.我想想自己额钞票我全是交给我妈妈管的,而且为了方便,名字也是她的,根本不会想到自己人会嘎见外,这个姆妈 ...

哦哟，还是侬想了多，我起初看到伊头颈里一根线，我还以为是一根项链，再仔细看才发觉是一根刀巴，但是还是呒没想到伊是成心额，看来，格额老太婆蛮结棍额。做伊额女儿蛮倒霉额，上辈子估计是空过伊额。.