今朝上半天10点半左右，本宁乘额地铁两号线慢慢叫停了人民广场站头郎厢，地铁额门开了，但是站台郎厢额保护门么开，阿拉要下车额宁就候了敞开地铁门口，大约等了靠10秒钟，站台门“哗”一记头开了，第一个宁下去了，就了嗨我一只脚跨到站台郎厢额辰光，地铁门猛额一记关起来了，车厢里额宁才惊叫起来，我后头几个宁快点拿我七手八脚额拉进车厢，我当时勿晓得是吓的木特了还是特别冷静，一句闲话阿么刚，照道理么要谢谢宁嘎勿刚是救命之恩么也是救我勿断手断脚之恩。就听见旁边一个阿姨一直了刚：吓色我了吓色我了。格辰光地铁门又打开了，就看见旁边额阿姨宁一躬，脚一伸以刘翔跨栏额姿态跳出地铁，大有投奔自由额感觉。我随之出门，格辰光再感到手臂补有眼痛，一看有一道清晰额红中泛紫额伤痕，想到前不久发生额惨案心有余悸，了目睹事体发生额站台工作人员指引下，来到了站长室，出来额工作人员态度老诚恳额，一直了赔礼道歉并叫我去验伤，刚：如果有啥问题伊拉全额报销。各么我刚：最主要是上趟刚刚发生了事体，想想拿应该特别注意格方面额问题，今朝如果轧着额是老弱病，就可能勿是赔礼道歉额事体了，我么啥就勿寻拿了。相互留了电话我就走了。回头朋友问我：各么就算侬去验伤，是勿是侬验出来么问题伊拉就不给报销了？哎闹，格我倒么问过。
  我宁为哦，格事体是因为地铁门跟站台门勿是同步开启或者两扇门先后开启额辰光么算好，阿拉泱泱大国嘎许多人才卫星航母才造的出，地铁嘎小只生活弄勿利起啊？！.

旁边人反应哈快
有次我做公交车，车子挤，我站在最下一格，正好卖票员做好事体，抱了一个小人，小人一踢门开关，门开了，车速还很快的过南浦大桥，我木子木谷，旁边人都叫起来了，司机立刻急刹车，门也关特了，我还没反应过来，一句闲话阿么讲呀，旁边人乃卖票员穷讲，讲她好心做坏事.

还好旁边宁手脚快哦 .

看看就黑人，现在地铁，公交哪能在问题噶严重啦？
想想开学了，阿拉儿子读初中是送到地铁站或者公交站呢还是全程接送啊？
不接送么实在不放心，哎~~~~~.

LZ应该要求赔偿精神损失费。.

LZ,你说的是真的假的，看了蟹丝丝格，门关前头没滴叫噢.

吓拧啊!自从莫斯科地铁爆炸事件后,我就有地铁恐惧症了,上次那女的被夹住后,我就没坐过地铁..

真额，真额。格事体杜撰勿作兴额！还好一夜天下来么啥反应，也是我皮糙肉厚，今朝手臂朗厢就只小小额乌青块了。.

现在上下地铁哪能哈象过鬼门关一样了？.

朋友们阿是这样刚额，我看看呒啥啥就算了。要是真额去搞伤神费时。倒是朋友刚额地铁公司应该主动打电话来慰问下。
   这个可以有伐？.

侬蜡手格，刚伯侬听，上格礼拜鱼我吖经历了一次肉博转，东昌路地铁脱脱三班，六分钟再来一班，把我上去了，伯果没想到陆家嘴已经没地方好登了，还有行群行势格人上来，我手臂把吖是被隔得来通通红，等下车辰光发觉节唔力道，到礼拜一再缓过来。后头就出台啥限流，搞唔懂为啥不是增车。
侬节对算恢复快格。.

吓宁额，下趟乘个车子，看样子伐好立了门口额。对心理搞体力都是种考验，开门要用飞额速度出去额。.

安慰一下,侬庞道好宁,有嘎许多宁拉老侬..

噶哈人，楼主侬有后福.

安慰安慰！个么地铁总共长度就格点，增车额闲话算勿好要头碰米巴啊？.

就是刚呀，我就后悔哪能当时么好叫谢谢拉我额宁！大概当时“呆若木鸡”了。
谢谢侬哦！.

谢谢侬哦！
希望以后乘地铁额朋友们碰到我格情况，勿要急于出门，情愿等一等再刚。.

这点空档应该有伐，再限流该乘的还要乘，否则格大热天，啥人高兴肉贴肉啦，还要冒愣生命危险！！！.

现在肉贴肉，等SB结束后，有种线路会勿会出现宁老少额以至于亏损营运勿下去关特情况伐？.

哈宁额，昨天夜头勒陕西路想回去，本来么1号线调2号线蛮便当额，想想2号线最近老哈宁，就1号线倒乘到徐家汇调9号线回去勒.

才才，哈萨您了。
现在关照小人，能坐公交的就别坐地铁。
地铁现在是满负荷运载，您实在特杜了。.

方言。。。。。。。。。看的我很纠结啊.