引用:

原帖由 cairns 于 2013-5-21 20:04 发表
总有点不甘心

男小囡开窍晚啦，我还见过有个男生初三开始奋发图强，虽然么考进4校（只差1分），但奋斗进了【8大罗汉】的呢，如今这个学生高三了，成绩蛮好个。当时读的勿是民办初中，是个公办特色班的小囡。侬也要有信心咯。上海小囡只有一半人可以读高中，高考就更低的录取率。自家要了么，应该是肯定来赛个。勿要放弃。即使将来读个技校吧，本事也是要学一点的呀，更何况现在还勿到讲这话的辰光嘛。加油加油gogo~.

勿要谢。
侬相帮小囡合理的安排下辰光。
一门一门来。
看看问题出了啥地方。
侬虽然跟勿上伊个步伐，相帮抄抄写写总可以哇，弄只错题本，一道道捉出来，整理了活页夹里总可以吧。数理化各一本，侬叫伊一道一道分类，然后一类一类搞清爽，勿就问题越来越少，思路越来越有啦？
数学相对内容多。物理面比较广，化学也就这几大块。
语文么也是要整理出问题所在，古文背一背，拳不离手曲不离口，基础分都有保障了。
E文么一样个道理。买本完形填空做。
统统搞过一遍
侬相帮去下载各区的模拟考，一只区一只区的做一遍，错题捉出来搞懂。

统统搞好了么，侬变成专家，伊么也可以考进蛮好的学堂来，侬笑勿动来，我么写得手酸色忒来。.